كل سنه وانتوا طيببين بمناسبه بدايه عام هجرى جديد يارب يعيده على جميع المسلمين بالخير والبركه

قصه وصلتنى على الايميل بتاعى اقروها من فضلكوا مؤثره جدا

الى متى الانتظار اخى
مكالمة بعد الفجر
كانت الساعة الخامسة والنصف فجرا ॥ حين كنت متوجها إلى العمل ॥ ممسكا بكوب القهوة القوية وممنيا نفسي بيوم رائعا ووضعت في المسجل شريطي المفضل ॥ ( سورة الإسراء بصوت الشيخ احمد العجمي ) ... وحينما بدا صوته يملأني قبل أن يملأ السيارة ( سبحان الذي أسرى بعبده ليلا من المسجد الحرام إلى المسجد الأقصى الذي باركنا حوله ) حينها رن هاتفي الجوال ॥ تضايقت طبعا وتوقعته صديقا لي في العمل يطمئن على حضوري وإلا فإن عمله سيمتد لثمانية ساعات أخرىتناولت الهاتف دون النظر إلى الرقم وما أن قلت ... السلام عليكم ورحمة الله وبركاته إلا وجاءني الصوت عاليا وينك؟في باريس بـ اشتري فول لأن المحل تحتنا زحمه فقال ..... تمزح ॥ هذا وقته ॥ حقيقة استغربت لاتصاله الآن .. وقلت حياك الله فقال ..... عبد العزيز مات فقلت ..... الله يرحمه ويرحم جميع المسلمين .. بس مين عبد العزيز عبد العزيز !!!!....فقلت لعلمي بمزاحه الثقيل .. يا أخي اتق الله ... عيب عليك لا هو وقت مزح ولا ينفع تمزح بهذه المواضيع 00والله ما اكذب عليك .. مات قبل الفجر في حادث سيارة .. ثم أردف سريعا حتى لا يعطيني فرصة لتكذيبه إحنا في المستشفى تعال وخلص معانا تصريح الدفن وأوراق المرور لاجل نصلي عليه قبل الظهر .. ثم أغلق السماعةلفترة .. ظل الهاتف على أذني وأنا أفكر ومصدوم .. منذ يومين رأيته ... وكلمته بالأمس هاتفيا كان معي وكنت اكلمه اتصلت بالعمل وطلبت أجازة ثم توجهت للمنزل لتغيير ملابسي وصورته أمام ناظري00 هو في السابعة عشرة من عمره ... أذكره منذ صغره .. منذ كنت أشتري له الطراطيع في رمضان ...... بجسده النحيل .. مبتسما دائما .. لم يفلح في دراسته ... ويسكن بجانبي وتربطني به صلة قرابة عن طريق زوجتي .. ميزته الكبيرة أنه رضي لوالديه بشكل كبير كل فترة يذهب بقارب والده إلى البحر ويقوم بالصيد أو أخذ المتنزهين من الصبح حتى المساء في الشمس الحارقة ... ثم يعود أدراجه في المساء ويسلم الجزء الأكبر من المال لوالده الكبير في السن ثم يخفي جزء لوالدته ... ويكتفي فقط بخمسة ريالات .. يشتري ساندويتشين طعميه وبريال بيبسى هذه هي حياته وبرنامجه اليومي .. يخدم كل الناس .. ويضحك مع الجميع .. ويطلع البحر .. ويشتري ساندويتشين طعميه وبريال بيبسي الكارثة الكبرى أنه لا يصلي .. كلما ناديته للصلاة .. يقول خير .. شويه ...الحقك .. وهكذا إن مات احد اعرفه أو لا اعرفه أجدني أتبسم حين أعرف أنه يصلي .. وإن كان غير ذلك فيصيبني الهم والحزن عليه .. فالصلاة عامود الدين إن صلحت صلح معها كل شئ ..... و إلا فالعياذ بالله 00توجهت للمستشفى ثم للمرور ثم للمستشفى مرة أخرى ... وبعد استخراج تصريح الدفن .. حملناه لمنزل أهله لتغسيله ولم أقوى على الدخول لغسله مع زميل لي لشدة محبتي لهذا الفتى ... الذي كانت متعته اليومية هي السندوتشين و البيبسي بعد ان يسلم والديه أجر ما حصل عليه سواء بصيد السمك أو بتأجير القارب للمتنزهين أصرت والدته أن تراه ... وهو موقف شديد .. أن ترى الأم فلذة كبدها وأطيب أبنائها ملفوفا بالكفن إلا وجهه حتى تقبله وضعوه لها في الغرفة .. .. ثم أقبلت والدته لتراه و تقبله مع والده .. وأخذت تقبله ... ثم تشمه لتملأ نفسها من رائحته قبل وداعه ... ثم تذرف الدموع الغالية ... وأخذت تنادي عليه .. بل وترجوه أن يرد عليها .. وتسأله لما لا ترد .. منذ متى يا عبد العزيز تتأخر في ردك علي .. ثم تقبله من جديد ... حتى بللت خديه من الدمع .. وقطعت القلوب من نحيبها وبعد أن أخذوا والدته عنه ... ذهبت إليه لأودعه ... متوجسا و مرتعبا من أن أرى وجها مسودا ..... عبوسا..يملأه الخوف والرعب ..... وجسدا متيبسا... و هذه من علامات تارك الصلاة..... وكم كانت المفاجأة قوية بالنسبة إلي اقسم بالله أني رأيت هالة عجيبة من النور في وجهه بسماكة سنتيمتر إلى اثنين ... وضحكة تذكرني به عندما أراه ...ذهبت إلى الركن وجلست أفكر .. كيف هذا النور وهو تارك للصلاة .. صعب أن اصدق .. ثم ذهبت إليه ثانية وتحققت لعلي كنت موهوما .. لعلنا وضعناه في مقابلة الضوء .. ولكن مستحيل .... هذا نور في الوجه ... اعرفه في وجوه المصلين .. وابتسامة تراها هي أقرب للضحك من التبسم أخذتني الحيرة ... إلا الصلاة .. القرآن والسنة فيهما ما يؤكد أن تارك الصلاة لابد وأن يدخل النار .. ورأيت بعيني وجوه مسوده كان أصحابها تاركين للصلاة .. فلماذا هذا الفتى الصغير ؟؟؟جلست طوال اليوم أفكر في ذلك ولأنني اعرف جيدا انه تاركا للصلاة زادت حيرتي .. حتى جاء وقت الليل وجلست مع أخيه .. فقال لي تصدق يا إبراهيم .. أمس اخوي راح المدينة وصلى الجمعة والعصر هناك في الحرم .. سبحان الله ..... وفي الليل ... صاحبه طلب منه يوصله قرية بدر ووصله ... مع انه راجع من المدينة تعبان وهو راجع صار عليه الحادث على مدخل البلد تذكرت .. انه أحضر نعناع وورد من المدينة لوالدته ... ووالدته وزعت للجميع حينها علمت ..... حينها بكيت .. حينها ارتحت .. سبحان الله .. قبل الموت كتب عليه أن يصلي في الحرم ثم تفكرت ثانية .. هل كانت هذه البسمة الرائعة والنور الرباني بسبب صلاته ... أم بسبب بره بوالديه ... وبسبب بره بوالديه كتب الله أن يهديه قبل وفاته بيوم ألهذه الدرجة بر الوالدين عظيما عند الله ختاماحدثني من أثق في حديثه ... أنه رآه في منامه مقبلا ضاحكا معه فتاة تغطي وجهها فسأله من هذه يا عبدا لعزيز .. فضحك كعادته ..... وقال زوجتي عائشة .. ثم ذهب 00إخواني ... أخواتي .. صلوا .. قبل أن يصلى عليكم .. بروا والديكم قبل أن تفقدوهم أو يفقدوكم ..... والله إن برهم عظيم .. اذهبوا إليهم الآن .. استسمحوهم .. سامحوهم وإن اخطوا ..... لضحكة في وجه أمي ونيل رضاها .. أحب إلي من أن أنفق مثل جبل احد من الذهب ..... (( وصلتني عبر بريدي وقد تكون نشرت وأحببت ان أعيد نشرها للعبرة ))ولو اننا اذا متنا تركنا.... لكان الموت راحة كل حى0000 ولكننا اذا متنا بُعثنا .......ونُسأل بعدها عن كل شئ وصلى الله على نبينا محمد وعلى آله وصحبه أجمعين

نفسى افهم معنى الحياه بجد 00حد يقدر يساعدنى 00هل ياترى فى حد فى الدنيا يستاهل انك تزعل منه او عليه؟ وفى حد فى الدنيا يستاهل انك تتنازل عشان خاطره؟ فى حد فى الدنيا يستاهل انك تفضل بالساعات مستنيه ؟ فى حد يستاهل انك تبقه مريض بيه؟ فى حد فى الدنيا يستاهل انك تضحى عشانه؟ايه معنى الدنيا لما يكون فيها ناس انت تكون ضحيت عشانهم وعملت عشانهم كتير وفى الاخر تكتشف انهم كانوا مجرد صوره وكانوا ظاهرين ادامك ملايكه وواحده واحده الدنيا خدتهم منك وظهروا انهم من بنى ادم مش ملايكه وهل فعلا الناس بتتغير بطبع الحياه ولا اصلا الناس دى كانوا خدعه
وهل ياترى فى حد فى الدنيا يستاهل ان دموعك تنزل بسببه او انك تنام ليلك حزين لفقده00بجد الدنيا حيرتنى وتعبتنى انا متهيالى مفيش حد يستاهل دمعه واحده ولا لحظه حزن واحده 00انا كان ليا صديقه وبقالى فتره حاسه انها مش هى صديقتى اللى انا اعرفها والنهارده حسيت انها خلاص بتخرج من حياتى لانها مابقتش الصديقه الطيبه الودوده اللى كنت اعرفها 00مستحيل تكون هى 00انا كنت فاكراها ملاك بس طلعت بشر على رأى عمرو بيه دياب 000تفتكروا دى غلطه مين؟؟؟؟؟؟؟؟؟؟؟؟؟؟؟؟

يعنى ينفع كده ياناس ينفع ان بعض المدونات الاجنببيه عليها حاجات لتشويه سمعه مصر ادام العالم كله؟ينفع ؟؟؟؟ومحدش بيرد عليهم معقول كده

قريت ان فى مدونه بريطانيه اسمهاbrayn-blogspiritصاحبهااتكلم عن مصر بصوره مشوهه جدا فمثلا قال :::

اصعب شئ فى مصر المصريون نفسهم لديهم قدره غريبه على التاقلم مع التلوث فجو العاصمه(اللى هى القاهره يعنى) يصيب اى فرد بالاختناق منها بعد اقل من نص ساعه من المرور بها بخلاف القدره الرهيبه على التعايش مع الكميات الهائله من القمامه والتى تختلف كمياتها سواء كانت فى حى راقى او منطقه شعبيه

وفى احد المدونات الاخرى يروى صاحب المدونه bb@blogspirit واسمه جيه كيه انه فى زيارته لمصر اكثر ماادهشه هو مشروب عصير القصب الذى يصفه بانه مشروب غير ادمى ويتساءل بدهشه عظيمه كيف يستطيع المصريون التعامل مع هذا المشروب

واكثر مالفت انظاره هو مجرد سحابه سودا تغطى سماء القاهره ومع ذلك المصريون مش بيتحركوا بالاضافه كمان ان المصريون مش معتزين ابدا بلغتهم لانهم بيتكلموا بالانجليزى كتير وكمان بيكتبوا اللافتات اللى فى الشوارع بالانجليزى غير انهم بيعملوا كروت شخصيه بردو بالانجليزى

ده يرضى مين بس اللى بيحصل ده ولامتى هنفضل نسمع كلام عن مصر وعننا ونسكت كده انا بجد حزينه على اللى بيحصل ده هو احنا لو ملناش خير فى مصر ممكن يكون لينا خيرحاجه تانى ؟؟؟؟؟؟

امبارح دخلت مدونه لاحد الاصدقاء واستوقفنى فيها خبر بصراحه ملانى حزن لحد دلوقتى مش بس ملانى حزن ده يمكن كمان خلانى معرفش انام طول الليل 00قريت خبر وفاه فتاه من اصحاب المدونات اسمها داليا عز ومعرفش ليه لماقريت الخبر حزنت عليها كده مع انى حتى معرفهاش ولما قريت الخبر الفضول اخدنى لانى افتح مدونتها واقرا فيها ياترى دى كانت بتكتب ايه وعن مين ولما فتحت لقيت ادامى بس التعزيات اللى كانت موجهه ليها واستوقفنى احد اصدقاءها بيقول فى نعيه يارب كل اللى كانت بتكتبه يكون فى ميزان حسناتها وينفع الاخرين بعد وفاتهاوهنا حسيت بالذعر وحسيت قد ايه ان الكتابه فى مدونه زى دى مسئوليه جامده جدا ادام ربنا ومن هنا حسيت ان دى رساله من ربنا موجهه ليا وانا فى بدايه مدونتى ان كل اللى هكتبه لازم يكون ان شاءالله فى ميزان حسناتى مش غير كده يعنى لازم اراقب كل كلمه بتخرج منى عشان الكلام ده هيكون يأما ليا او عليا وربنا هيحاسبنى عليه ومحدش عارف امتى معاده ودعيت ربنا يستر ويراقبنى هو ويوجهنى هو بعظمته من غير مانا اشعر لانه هو خير عون لكل البشر
انا حقيقى ملحقتش اقرا حاجه من اللى هى كاتباه لان الكلام ده وقفنى ومكملتش قرايه بس ان شاءالله هقرالها وادعيلها بالرحمه والمغفره ارجوكم ادعولها بالرحمه وان ربنا يغفرلها ويغفرلنا جميعا ذنوبنا مفيش انسان خالى00وارجوكم ادعولى انا كمان ان ربنا يجعل كل كلمه اكتبها فى ميزان حسناتى 00امين يارب العالمين

السلام عليكم ورحمه الله وبركاته

فى بدايه كلامى احب اشكر الصديقه اللى عرفتنى على المدونه وهى الصديقه (صرصاره)وكمان احب اقولها كل سنه وانتى طيب عشان النهارده عيد ميلادها وعقبال 150 سنه يارب وكمان عايزه اشكرها لانها هى اللى علمتنى ازاى اعمل المدونه دى

والحقيقه ان فكره المدونه دى شدتنى جدا لانى بطبيعتى بميل للتعبير عن نفسى وعن اى حاجه جوايا بالورقه والقلم لان اوقات بيخونى التعبير عن مشاعرى بالكلام وبالنسبه لى الكتابه بتكون افضل طريقه للتعبير عن كل اللى جوايا وبقدر اطلعه زى ماهو كده بالظبط وطول عمرى من وانا صغيره لما كنت بحب اقول حاجه ومش عارفه اطلعها بالظبط كنت امسك الورقه والقلم واكتب الاقينى قلت كل حاجه

عشان كده فكره المدونه دى شدتنى اوى واتمنيت انى اقدر افتح واحده واعبر فيها عن كل حاجه بتدور حواليا والحقيقه كمان لقيتها فرصه للتواصل بين افكار مختلفه بين اصدقاء كتير بيجمعهم الكتابه وبس هناودى حاجه شيقه جدا وكمان هى فرصه للتعارف بين اصدقاء جدد ممكن يكون منهم بعد كده اصدقاء عمر كله عن طريق تلاقى الافكار وتوحدها

ولحسن حظى انى ببتدى النهارده اول كتابه مع بدايه سنه جديده يارب تكون خير علينا كلنا وكل سنه وانتوا طيبين واتمنى ان المدونه تكون زى مانا متخيله ان شاءالله